ពិធីកាត់ឫសសីមានៅវត្តសត្តវិថីជោត្យារាម ហៅវត្តស្លា ស្ថិតក្នុងភូមិពងទឹក ឃុំទន្លូង ស្រុកមេមត់ ខេត្តត្បូងឃ្មុំ

April 26, 2016

ថ្ងៃអង្គារ ០៥ រោច ខែចេត្រ ព.ស. ២៥៥៩ ត្រូវនឹងថ្ងៃទី ២៦ ខែមេសា គ.ស. ២០១៦ ឯកឧត្តម ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាង់ដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតី ក្នុងពិធីកាត់ឫសសីមានៅវត្តសត្តវិថីជោត្យារាម ហៅវត្តស្លា ស្ថិតក្នុងភូមិពងទឹក ឃុំទន្លូង ស្រុកមេមត់ ខេត្តត្បូងឃ្មុំ ដែលមានការនិមន្ត និងអញ្ជើញចូលរួមពីព្រះសង្ឃគ្រប់ព្រះអង្គ អាជ្ញាធរដែនដី មន្រ្តីរាជការ អ្នកមុខអ្នកការគ្រប់ជាន់ថ្នាក់ និងពុទ្ធបរិស័ទជិតឆ្ងាយ ប្រមាណ ១.០០០ នាក់ ។ មានប្រសាសន៍សំណេះសំណាលជាមួយអង្គពិធីនាឱកាសនោះ ឯកឧត្តមទេសរដ្ឋមន្រ្តី បានផ្តាំផ្ញើរការសួរសុខទុក្ខពី សម្តេចតេជោនាយករដ្ឋមន្ត្រី និង សម្តេចកតិ្តព្រឹទ្ធបណ្ឌិត ព្រមទាំងបានលើកពីការខិតខំប្រឹងប្រែង របស់រាជរដ្ឋាភិបាល ដែលមាន សម្តេចតេជោ ហ៊ុន សែន ជានាយករដ្ឋមន្រ្តី ក្នុងការកសាងនូវសុខសន្តិភាព ស្ថិរភាពនយោបាយ សុវត្ថិភាពសង្គម និងសណ្តាប់ធ្នាប់សាធារណៈ ពីប្រទេសជាតិស្ថិតក្នុងសង្រ្គាមបាក់បែក ឲ្យមានភាពរីកចម្រើនទាំងវិស័យពុទ្ធចក្រ និងអាណាចក្រ ដូចសព្វថ្ងៃនេះ ។ ជាមួយគ្នានេះ ឯកឧត្តមទេសរដ្ឋមន្រ្តី ក៏បានពន្យល់ពីវឌ្ឍនភាពនានា នៃការខិតខំរបស់រាជរដ្ឋាភិបាល នៅក្នុងការលើកកម្ពស់ជីវភាពប្រជាពលរដ្ឋ នៅទូទាំងប្រទេស តាមរយៈការអភិវឌ្ឍហេដ្ឋារចនាសម្ព័ន្ធរូបវន្ត ការអប់រំ ការទាក់ទាញអ្នកវិនិយោគ ការបង្កើតការងារ ដើម្បីកំណើនសេដ្ឋកិច្ចជាតិ និងការផ្តល់សេវាសាធារណៈផ្សេងៗ ដែលជាប្រយោជន៍សម្រាប់ប្រជាពលរដ្ឋនៅទូទាំងប្រទេស ។ នៅទីបញ្ចប់ ឯកឧត្តមទេសរដ្ឋមន្រ្តី បានអំពាវនាវដល់ព្រះសង្ឃ ពុទ្ធបរិស័ទ និងប្រជាពលរដ្ឋទូទៅ ឲ្យចូលរួមជាមួយរាជរដ្ឋាភិបាល ដើម្បីថែរក្សានូវរាល់សមិទ្ធិផល ដែលបានកសាងកន្លងមក និងបន្តកសាងបន្ថែមទៀត ដើម្បីជីវភាពល្អប្រសើររបស់ប្រជាពលរដ្ឋ និងភាពសុខដុមនៅក្នុងសង្គមជាតិទាំងមូល ។ ឆ្លៀតក្នុងកម្មវិធីនេះផងដែរ ឯកឧត្តមទេសរដ្ឋមន្ត្រី ក៏បាននាំយកថវិកា និងសម្ភារៈមួយចំនួនរបស់ សម្តេចតេជោនាយករដ្ឋមន្ត្រី និង សម្តេចកតិ្តព្រឹទ្ធបណ្ឌិត ប្រគេន និងឧបត្ថម្ភជូនដូចខាងក្រោម៖

សម្រាប់ព្រះវិហារនៃវត្តសត្តវិថីជោត្យារាម ចំនួន ០១ ម៉ឺនដុល្លារអាមេរិក
សម្រាប់សាលាស្រុកមេមត់ ចំនួន ០១លានរៀល
សម្រាប់ឃុំទន្លូង ចំនួន ០១លានរៀល
ព្រះសង្ឃ (៤៤ អង្គ) បានប្រគេន ៣០.០០០ រៀល ក្នុង ០១ អង្គ
តាជីយាយជី (១០០នាក់) ក្នុងម្នាក់ៗទទួលបាន ក្រណាត់ស ១ដុំ និងថវិកា ០១ម៉ឺនរៀល
លោកគ្រូ-អ្នកគ្រូ (៦៣ នាក់ ក្នុងនោះស្រី២៧នាក់) ក្នុងម្នាក់ៗ ទទួលបានសារុង ០១
គ្រូពេទ្យប្រចាំការ (០៧នាក់) ក្នុងម្នាក់ៗទទួលបានសារុង ០១
សិស្សានុសិស្ស (២០០នាក់) ក្នុងម្នាក់ៗទទួលបានប៊ិច១ដើម សៀវភៅ២ក្បាល និងថវិកា ៥០០០រៀល ៕

សារស្វាគមន៍

ឯកឧត្តម ជា សុផារ៉ា

ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់

អានបន្ត

អាជ្ញាប័ណ្ណវិស័យសំណង់

អាជ្ញាបណ្ណចុះបញ្ជីឆ្នាំ ២០១៨

ទំនាស់ដីធ្លី

ឯកសារទាក់ទងនិងបញ្ហាទំនាស់ដីធ្លី

របាយការណ៍

របាយការណ៍ឆ្នាំ២០១៥និងទិសដៅការងារឆ្នា...

ឯកសារវីឌីអូរ

» មើលទាំងអស់

ចំនួនអ្នកទស្សនា

ថ្ងៃនេះ :

080716

ម្សិលមិញ :

093868

សរុប :

9624367

ការអភិវឌ្ឍន៍វិស័យសំណង់លំនៅឋាននៅកម្ពុជា

ស្វែងយល់ពីអចលណទ្រព្យនៅកម្ពុជា

© រក្សាសិទ្ធិគ្រប់យ៉ាងដោយ ក្រសួងរៀបចំដែនដី នគរូបនីយកម្ម និងសំណង់ ឆ្នាំ ២០១៦
អាសយដ្ឋានៈ លេខ៧៧១-៧៧៣, មហាវិថីព្រះមុនីវង្ស, សង្កាត់បឹងត្របែក, ខណ្ឌចំការមន, រាជធានីភ្នំពេញ

ឯកឧត្តម​ ជា​ សុផារ៉ា

ឯកឧត្តម ជា សុផារ៉ា