ឯកឧត្តម ជា សុផារ៉ា ទេសរដ្ឋមន្រី្ត រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារពិសេសគាំទ្រដល់គណៈបញ្ជាការឯកភាពខេត្តព្រះសីហនុ បានដឹកនាំក្រុមការងារ និងមន្ត្រីជំនាញចុះពិនិត្យទីតាំងគម្រោងកែលម្អតំបន់ឆ្នេរអូរឈើទាល

May 02, 2016

នៅថ្ងៃទី៣០ ខែមេសា ឆ្នាំ២០១៦ ឯកឧត្តម ជា សុផារ៉ា ទេសរដ្ឋមន្រី្ត រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារពិសេសគាំទ្រដល់គណៈបញ្ជាការឯកភាពខេត្តព្រះសីហនុ និង ឯកឧត្តម ថោង ខុន រដ្ឋមន្រ្តីក្រសួងទេសចរណ៍ និងជាអនុប្រធានអចិន្ត្រៃយ៍ ក្រុមការងារពិសេស និង ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ និងជាប្រធានគណៈបញ្ជាការឯកភាពខេត្តព្រះសីហនុ អមដំណើរដោយ ឯកឧត្តម អគ្គលេខាធិការ ឯកឧត្តម អគ្គលេខាធិការរងនៃគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា និងមន្ត្រីជំនាញថ្នាក់ជាតិនិងថ្នាក់ខេត្តព្រះសីហនុ បានចុះពិនិត្យទីតាំងគម្រោងកែលម្អតំបន់ឆ្នេរអូរឈើទាល (ទល់មុខដីក្រុមហ៊ុនសុខាអូតែល អតីតអារីស្តុន) តំបន់ឆ្នេរឯករាជ្យ និងតំបន់បឹងព្រែកទប់ ស្របតាមគោលការណ៍របស់រាជរដ្ឋាភិបាលតាមរយៈលិខិត លេខ ៧២ អនក្រ.បក ចុះថ្ងៃទី១៩ ខែមករា ឆ្នាំ២០១៦ របស់ទីស្តីការគណៈរដ្ឋមន្ត្រី ។ ក្នុងឱកាសចុះពិនិត្យជាក់ស្ដែងនេះ ឯកឧត្តមទេសរដ្ឋមន្រ្តី ជា សុផារ៉ា បានកោតសរសើរ និងវាយតម្លៃខ្ពស់ចំពោះ គណៈបញ្ជាការឯកភាពខេត្តព្រះសីហនុ ដែលបានអនុវត្តកន្លងមកក្នុងការសម្រួល ឆ្នេរអូរឈើទាល ទល់មុខដីក្រុមហ៊ុន សុខា អូតែល អតីតអារីស្តុន ដែលបានបើករបងលំហរឆ្នេរនេះ ឱ្យប្រជាពលរដ្ឋបានចូលដើរកម្សាន្តមុន និងក្នុងឱកាសបុណ្យចូលឆ្នាំថ្មីប្រពៃណីជាតិខ្មែរកន្លងមកនេះ ។ ឯកឧត្តមទេសរដ្ឋមន្រ្តី បន្តទៀតថា យើងនៅមានសកម្មភាពជាច្រើនដែលត្រូវបន្តធ្វើ ដែលក្រុមការងារជំនាញទាំងថ្នាក់ជាតិ និងថ្នាក់ខេត្តត្រូវបន្តស្រង់ទិន្នន័យលំអិតបន្ថែមដើម្បីបើកចំហរតំបន់ឆ្នេរសមុទ្រទាំងអស់ស្របតាមគោលការណ៍សារាចរលេខ ០១ ស្ដីពីការអភិវឌ្ឍតំបន់ឆ្នេរ និងជំរុញរៀបចំប្លង់មេសមាហរណកម្មតំបន់ឆ្នេរខ្សាច់នីមួយៗ ដែលរួមមានការរៀបចំផ្ទៃទឹក ឆ្នេរខ្សាច់ ចំណីឆ្នេរ ផ្លូវរណប តំបន់រណប ផ្លូវឆ្ពោះទៅឆ្នេរ បញ្ដាញបៃតង និងតូបកំសាន្ត ប្លង់បង្គន់អនាម័យសាធារណៈ និងច្រកចូលឆ្នេរគំរូ ស្របតាមស្ដងដារ អនាម័យ បរិស្ថានស្អាត សោភ័ណភាព និងមានរចនាបថជាលក្ខណៈខ្មែរ ក្នុងឱកាសនោះដែរ ក្រុមការងារបានចុះពិនិត្យដោយផ្ទាល់នៅតំបន់ឆ្នេរឯករាជ្យ ឆ្នេរអូរឈើទាល រហូតដល់ឆ្នេរអូរត្រេះ ។

សារស្វាគមន៍

ឯកឧត្តម ជា សុផារ៉ា

ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់

អានបន្ត

អាជ្ញាប័ណ្ណវិស័យសំណង់

អាជ្ញាបណ្ណចុះបញ្ជីឆ្នាំ ២០១៨

ទំនាស់ដីធ្លី

ឯកសារទាក់ទងនិងបញ្ហាទំនាស់ដីធ្លី

របាយការណ៍

របាយការណ៍ឆ្នាំ២០១៥និងទិសដៅការងារឆ្នា...

ឯកសារវីឌីអូរ

» មើលទាំងអស់

ចំនួនអ្នកទស្សនា

ថ្ងៃនេះ :

110377

ម្សិលមិញ :

093868

សរុប :

9654028

ការអភិវឌ្ឍន៍វិស័យសំណង់លំនៅឋាននៅកម្ពុជា

ស្វែងយល់ពីអចលណទ្រព្យនៅកម្ពុជា

© រក្សាសិទ្ធិគ្រប់យ៉ាងដោយ ក្រសួងរៀបចំដែនដី នគរូបនីយកម្ម និងសំណង់ ឆ្នាំ ២០១៦
អាសយដ្ឋានៈ លេខ៧៧១-៧៧៣, មហាវិថីព្រះមុនីវង្ស, សង្កាត់បឹងត្របែក, ខណ្ឌចំការមន, រាជធានីភ្នំពេញ

ឯកឧត្តម​ ជា​ សុផារ៉ា

ឯកឧត្តម ជា សុផារ៉ា