អ៊ីមែល : mlmupc.caninet@gmail.com
October 27, 2022
នារសៀល​ថ្ងៃព្រហស្បតិ៍  ៣កើត   ខែកត្ដិក   ឆ្នាំខាល  ចត្វាស័ក ព.ស.២៥៦៦  ត្រូវនឹងថ្ងៃទី២៧ ខែតុលា    ឆ្នាំ ២០២២  នៅទីស្តីការ​ក្រសួង  ឯកឧត្ដម  ជា  សុផារ៉ា  ឧបនាយក​រដ្ឋមន្ត្រី  រដ្ឋមន្ត្រីក្រសួងរៀបចំដែនដី  នគរូបនីយកម្ម​ និងសំណង់  និង​ជា​ប្រធាន​គណៈកម្មការ​ដឹកនាំគម្រោងបែងចែក​ដីដើម្បីសង្គមកិច្ច​ និង​ការអភិវឌ្ឍ​​សេដ្ឋកិច្ចដំណាក់កាលទី៣ ( LASED III)   បាន​អនុញ្ញាតឱ្យ​លោកស្រី  Maryam Salim ប្រធានធនាគារពិភពលោកប្រចាំនៅ​ព្រះរាជាណាចក្រកម្ពុជា  ចូល​ជួប​សម្តែង​ការគួរសម  និង​ពិភាក្សា​ការងារ  ដើម្បី​ផ្តល់ការ​គាំទ្រ​ដល់​ការអនុវត្តគម្រោង  LASED III
ក្នុង​ជំនួបនេះ ឯកឧត្តម​ឧបនាយករដ្ឋមន្ត្រី ជា សុផារ៉ា បាន​មាន​ប្រសាសន៍ស្វាគមន៍​ចំពោះ​លោកស្រី Maryam Salim ប្រធាន​ធនាគារ​ពិភពលោក​ប្រចាំកម្ពុជា និង​សហការី​ក្នុងការ​ផ្តល់ការ​គាំទ្រ​ចំពោះ​ការអនុវត្ត​គម្រោង​នានាជាពិសេសគម្រោង LASED ទទួល​បាន​ជោគជ័យ។ គម្រោង LASED នេះ​ជា​គម្រោង​ដែល​ផ្តល់​ផល​ប្រយោជន៍ដោយ​ផ្ទាល់​ដល់ជីវភាព​របស់​ប្រជាពលរដ្ឋ​ ដែល​ធ្វើ​ឱ្យប្រជាពលរដ្ឋ​មាន​លំនឹង​ក្នុង​មូលដ្ឋាន​នៃការរស់នៅបង្កើនប្រាក់​ចំណូល​សម្រាប់​ផ្គត់ផ្គង់​ជីវភាព​គ្រួសារឱ្យ​កាន់តែរឹងមាំ និងអាចឈាន​ទៅពង្រឹង​សមត្ថភាព​ ដោយខ្លួនឯងបានដោយ​នៅទីនេះ​ប្រជាពលរដ្ឋ​មាន​ដីសម្រាប់​បង្កបង្កើនផល មាន​សាលារៀនសម្រាប់​បណ្តុះ​បណ្តាល​ដល់កូនចៅ​របស់​ពួកគាត់​ ឱ្យមានចំណេះដឹង​ដែល​អាចរកការងារ​ធ្វើបាន​នាពេល​អនាគត បង្កលក្ខណៈ​ងាយស្រួល​គ្រប់បែបយ៉ាង​ដល់ពួកគាត់​នោះ​ទើប​ពេលនេះ ពួកគាត់​អាចមាន​លទ្ធភាព​រស់នៅ​ប្រកប​ដោយ​ភាពសុខសាន្ត ហើយដែលនេះ​គឺជាការបង្កលក្ខណៈ​ឱ្យការអនុវត្តគម្រោង LASED III បាន​ទទួលជោគជ័យ​តាម​ការគ្រោង​ទុកផងដែរ។ ឯកឧត្តម​ឧបនាយករដ្ឋមន្ត្រី ជា សុផារ៉ា បានជំរុញ​ឱ្យ​មាន​ការពន្លឿន​ល្បឿន​ក្នុង​ការអនុវត្ត​គម្រោងនេះ​ឱ្យបានជោគជ័យឆាប់រហ័ស​ ដោយពិនិត្យ​ឱ្យ​បានគ្រប់ជ្រុងជ្រោយ ធ្វើយ៉ាងណាឆ្លើយតប​បាន​តាមការ​ទន្ទឹងរង់ចាំ​របស់ប្រជាពលរដ្ឋ​ដែល​ជាអ្នក​ទទួល​ផលពីគម្រោង LASED III នេះ។

ជាការឆ្លើយតប លោកស្រី Maryam Salim ប្រធានធនាគារ​ពិភព​លោក​ប្រចាំកម្ពុជា បាន​ថ្លែងអំណរគុណ​ដល់ ឯកឧត្តម​ឧបនាយករដ្ឋមន្ត្រី ជា សុផារ៉ា និង​សហការី​ដែល​បានគាំទ្រ​ដល់ការអនុវត្ត​គម្រោង LASED II ឱ្យបញ្ចប់ដោយ​ជោគជ័យ​នាពេលកន្លងមក។ លោកស្រី​បញ្ជាក់​ថានេះ គឺ​ជាតួនាទី​របស់​លោកស្រី​ក្នុងការ​គាំទ្រ​ដល់ការអភិវឌ្ឍ​ជីវភាព​រស់នៅរ​បស់​ប្រជាពលរដ្ឋ​ជាពិសេស​យើង​បានផ្តល់នូវហេដ្ឋារចនាសម្ព័ន្ធនានា ជូនពួកគាត់ដូចជាសាលារៀន​ជាដើម ដែលធ្វើឱ្យកូនចៅប្រជាពលរដ្ឋ​មានចំណេះដឹង​អាចរកការងារ​ធ្វើ​បង្កើន​ប្រាក់​ចំណូល​ផ្គ​ត់ផ្គង់គ្រួសារ​នាពេល​អ​នាគតបាន ហើយ​នេះ​គឺជាអ្វីដែលលោកស្រីចង់បាន។លោកស្រីបន្ថែមថាលោកស្រីរីករាយក្នុងការចូលរួមសហការពន្លឿនការអនុវត្តគម្រោង LASED III នេះឱ្យបញ្ចប់​ដោយ​ជោគជ័យ​ឆាប់រហ័ស​តាមការគ្រោងទុក ហើយ​លោកស្រីក៏បាន​កោតសរសើរ​ដល់​ប្រមុខរាជរដ្ឋាភិបាល​កម្ពុជា ដែល​មាន​យុទ្ធសាស្រ្តប្រកប​ដោយ​ភាពជោគជ័យ​ក្នុង​ការទប់ស្កាត់​ការឆ្លង​រាតត្បាត​ពីវីរុសកូវីត ១៩ ដោយ​អនុវត្តវិធានការ ៣កុំ ៣ការពារ និងការចាក់វ៉ាក់សាំងជូនប្រជាពលរដ្ឋក្នុងអត្រានាំមុខគេ១ ក្នុង​ចំណោម​បណ្តា​ប្រទេស​នៅក្នុង​តំបន់និងពិភពលោក។ លោកស្រីបន្តថាលោកស្រីនឹងចូលរួមសហការជាមួយក្រសួងរៀបចំដែនដី នគរូបនីយកម្ម និងសំណង់ និងក្រសួង​ពាក់ព័ន្ធ​នានា​ក្នុងការ​អនុវត្ត​គម្រោង​នេះ​បន្តទៀត និងបានថ្លែងអំណរគុណដល់ក្រុមការងារទាំងអស់ដែលបានរួមចំណែកបំពេញតួនាទីភារកិច្ចរបស់ខ្លួនបានល្អប្រសើរ ក្នុងការអនុវត្តគម្រោងនេះនាពេលកន្លងមកផងដែរ៕






សារស្វាគមន៍

ឯកឧត្តម​ ជា​ សុផារ៉ា

ឧបនាយករដ្ឋមន្រ្តី រដ្ឋមន្ត្រី​ក្រសួង​រៀបចំ​ដែនដី នគរូប​នីយកម្ម និង​សំណង់

ឯកសារវីឌីអូរ
ចំនួនអ្នកទស្សនា
ថ្ងៃនេះ :
000741
ម្សិលមិញ :
008643
សរុប :
17060631
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលនទ្រព្យនៅកម្ពុជា
sms onay film indir film indirme full program indir