តាមតំណាងនិស្សិតជ័យលាភីអាហារូបករណ៍រដ្ឋាភិបាលណូវែលហ្សេឡង់បានឱ្យដឹងថានិស្សិតជ័យលាភីអាហារូបករណ៍ ដែលនឹងត្រូវទៅបន្តការសិក្សានៅប្រទេសណូវែលហ្សេឡង់នៅដើមឆ្នាំ ២០២៣ ខាងមុខនេះមាន ១៦នាក់។អាហារូបករណ៍របស់រដ្ឋាភិបាលណូវែលហ្សេឡង់មានគោលបំណងជំរុញឱ្យមានការអភិវឌ្ឍប្រកបដោយចីរភាពតាមរយៈការផ្ដល់ឱកាសការសិក្សាថ្នាក់ក្រោយឧត្តមសិក្សានៅប្រទេសណូវែលហ្សេឡង់លើជំនាញផ្សេងៗដល់និស្សិតកម្ពុជាដើម្បីយកជំនាញចំណេះដឹងទាំងនោះត្រឡប់មកចូលរួមអភិវឌ្ឍន៍ក្រសួងស្ថាប័នរៀងៗខ្លួនក៏ដូចជាអភិវឌ្ឍន៍ប្រទេសជាតិក្រោយពេលបញ្ចប់ការសិក្សា។ ក្នុងជំនួបសំណេះសំណាលនេះ ឯកឧត្តមឧបនាយករដ្ឋមន្ត្រី ជា សុផារ៉ា បានបង្ហាញពីក្តីរីករាយ កោតសរសើរ និងអបអរសាទរដល់និស្សិតជ័យលាភីអាហារូបករណ៍រដ្ឋាភិបាលណូវែលហ្សេឡង់នាពេលនេះ ដែលសុទ្ធសឹងជាធនធានមនុស្សប្រកបដោយសក្តានុពលបានតស៊ូបោះជំហានទៅមុខក្នុងការសិក្សារហូតឈានទៅទទួលបានអាហារូបករណ៍ទៅសិក្សានៅប្រទេសណូវែលហ្សេឡង់ហើយធនធានមនុស្សដ៏កម្រទាំងនេះពិតជាបានរួមចំណែកក្នុងការអភិវឌ្ឍប្រទេសជាតិ បន្ទាប់ពីពួកគេបញ្ចប់ការសិក្សា ហើយវិលត្រឡប់មកកាន់កម្ពុជាវិញ។ កម្ពុជាត្រូវការធនធានមនុស្សប្រកបដោយគុណភាពជាច្រើនបន្ថែមទៀតដើម្បីចូលរួមចំណែកជាមួយរាជរដ្ឋាភិបាលលើការអភិវឌ្ឍន៍គ្រប់វិស័យសំដៅជំរុញ ឱ្យកម្ពុជាឈានឆ្ពោះទៅរកភាពរីកចម្រើនយ៉ាងឆាប់រហ័ស។ ឯកឧត្តមឧបនាយករដ្ឋមន្ត្រី បានណែនាំដល់និស្សិតជ័យលាភីអាហារូបករណ៍ទាំងអស់ត្រូវចងចាំថាភាពថ្កុំថ្កើងរុងរឿងរបស់បុគ្គលម្នាក់ៗគឺអាស្រ័យលើការខិតខំប្រឹងប្រែងរបស់បុគ្គលនោះ ពីព្រោះមិនមានភាពជោគជ័យណា ដែលកើតចេញពីភាពព្រងើយកន្តើយមិនខិតខំប្រឹងប្រែងនោះទេ ម្យ៉ាងទៀតការខិតខំប្រឹងប្រែងរបស់និស្សិតទាំងអស់ក៏ត្រូវតែមានកត្តាគួបផ្សំដូចជាបរិស្ថានរស់នៅជុំវិញខ្លួន រហូតដល់ការរស់នៅក្រោមម្លប់នៃសុខសន្តិភាព ស្ថេរភាពនយោបាយក្នុងប្រទេសពីព្រោះថាបើគ្មានសុខសន្តិភាពទេនោះក៏មិនអាចផ្ដល់លក្ខណៈអំណោយផលដល់ការខិតខំប្រឹងប្រែងសិក្សាឬការចូលរួមអភិវឌ្ឍន៍ជាតិបាននោះដែរ។ ឯកឧត្តម បន្ថែមថាទោះបីរយៈពេលនៃការទៅសិក្សានៅប្រទេសណូវែលហ្សេឡង់នោះយូរ ឬឆាប់យ៉ាងណាក្តី ប៉ុន្តែធ្វើយ៉ាងណាត្រូវមានការតស៊ូខិតខំប្រឹងប្រែងយកចិត្តទុកដាក់ក្នុងការសិក្សាឱ្យបានចប់ចុងចប់ដើម ពីព្រោះនេះជាឱកាសដ៏ប្រពៃក្នុងជីវិតរបស់និស្សិតម្នាក់ៗ។ឯកឧត្តមបញ្ជាក់ថា រាល់ការធ្វើកិច្ចការអ្វីមួយត្រូវតែមានជំនឿជឿជាក់លើខ្លួនឯង ដើម្បីឱ្យមានភាពរឹងមាំខាងសតិអារម្មណ៍ និងខាងនយោបាយ ដោយត្រូវតម្រង់ទិសរបស់ខ្លួនឱ្យបានច្បាស់លាស់ទៅឱ្យដល់គោលដៅដល់ទីបញ្ចប់ កុំកសាងកំហុសម្តង ហើយម្តងទៀត កុំមានភាពអំនួតជ្រុលហួសហេតុ កុំមានចិត្តងាករេម្ដងទៅខាងនេះម្ដងទៅខាងនោះ ខ្វះភាពអំណត់នោះអាចនឹងមិនទទួលបានជោគជ័យ ក្នុងជីវិតឡើយ ហើយក៏នឹងអាចបាត់បង់ទំនុកចិត្តពីមនុស្សជុំវិញខ្លួនផងដែរ។ ឯកឧត្តមឧបនាយករដ្ឋមន្ត្រី ជា សុផារ៉ា បានជូនពរដល់និស្សិតអាហារូបករណ៍ ទាំងអស់ឱ្យទទួលបានជោគជ័យក្នុងការទៅបន្តការសិក្សានៅប្រទេសណូវែលហ្សេឡង់នាពេលខាងមុខ៕
សារស្វាគមន៍
ឯកឧត្តម ជា សុផារ៉ា
ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់
សេវាសាធារណៈ
អាជ្ញាប័ណ្ណវិស័យសំណង់
ទំនាស់ដីធ្លី
របាយការណ៍
ចំនួនអ្នកទស្សនា
ថ្ងៃនេះ :
004885
ម្សិលមិញ :
005414
សរុប :
17666266
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលនទ្រព្យនៅកម្ពុជា