ក្នុងឱកាសជួបសំណេះសំណាលនោះ ឯកឧត្តមឧបនាយករដ្ឋមន្រ្តី ជា សុផារ៉ា បាននាំមកនូវការផ្តាំផ្ញើសាកសួរសុខទុក្ខ និងការនឹករលឹកប្រកបដោយមនោសញ្ចេតនាគោរពស្រលាញ់ដ៏ជ្រាលជ្រៅបំផុតពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីជូនចំពោះប្រជាពលរដ្ឋទាំងអស់ក្នុងមូលដ្ឋានឃុំជីគរ នេះ ព្រមទាំងក្រុមគ្រួសារកូនចៅប្រជាពលរដ្ឋទាំងក្នុង និងក្រៅប្រទេស និងបានបញ្ជាក់ថាជានិច្ចកាលសម្តេចតែងតែបានក្រើនរំលឹកឱ្យថ្នាក់ដឹកនាំ មន្រ្ដីរាជការ និងក្រុមការងារថ្នាក់ជាតិចុះមូលដ្ឋានទាំងអស់បានមកជួបជាមួយប្រជាពលរដ្ឋដោយផ្ទាល់ ដើម្បីបានដឹងពីសុខទុក្ខជីវភាពរស់នៅ និងបញ្ហាប្រឈមនានារបស់ពួកគាត់។
ក្នុងឱកាសនោះ ឯកឧត្តមឧបនាយករដ្ឋមន្រ្តី បានណែនាំដល់មេភូមិ មេឃុំ ជំទប់ និងស្មៀន ដែលទទួលបានការទុកចិត្ត និងគាំទ្រក្នុងឃុំជីគរ នេះ ត្រូវបំពេញតួនាទីភារកិច្ចរបស់ខ្លួនឱ្យបានល្អប្រសើរទាំងការផ្តល់សេវាសាធារណៈផ្សេងៗ ឱ្យបានឆាប់រហ័ស រក្សាសន្តិសុខសុវត្ថិភាពសណ្តាប់ធ្នាប់ និងការអភិវឌ្ឍក្នុងមូលដ្ឋាន ដើម្បីផ្តល់នូវក្តីសង្ឃឹមនិងភាពកក់ក្តៅដល់ប្រជាពលរដ្ឋ ធ្វើយ៉ាងណាកុំឱ្យមានបញ្ហាល្អក់កករណាមួយ ដែលធ្វើឱ្យប្រជាពលរដ្ឋមិនពេញចិត្តនោះឡើយ។ ឯកឧត្តមឧបនាយករដ្ឋមន្រ្តី បានបញ្ជាក់ថាការដែលឯកឧត្តមដឹកនាំក្រុមការងារមកជួបជាមួយប្រជាពលរដ្ឋនាពេលនេះ គឺចង់បង្ហាញឱ្យឃើញថា រាជរដ្ឋាភិបាលមានការយកចិត្តទុកដាក់គិតគូរដល់ប្រជាពលរដ្ឋជានិច្ច គ្រប់ពេលវេលាគ្រប់កាលៈទេសៈមិនទុកប្រជាពលរដ្ឋចោលដោយមិនអើពើ ឬគេចវេសរត់ចោលប្រជាពលរដ្ឋ ហើយសន្សំយកក្តីសុខខ្លួនឯងឡើយ។ ឯកឧត្តមឧបនាយករដ្ឋមន្រ្តី បានអំពាវនាវដល់ប្រជាពលរដ្ឋទាំងអស់ ឱ្យទៅចូលរួមបោះឆ្នោតជ្រើសតាំងតំណាងរាស្រ្តឱ្យបានគ្រប់ៗគ្នា នាថ្ងៃទី ២៣ ខែកក្កដា ឆ្នាំ២០២៣ ខាងមុខនេះ ដោយបន្តផ្តល់ការគាំទ្រយ៉ាងពេញទំហឹងដល់សម្តេចអគ្គមហាសេនាបតីតេជោ ហ៊ុន សែន ធ្វើជានាយករដ្ឋមន្រ្តីបន្តទៀត ដើម្បីដឹកនាំប្រទេសឈានទៅរកវឌ្ឍនភាព និងផ្តល់សេចក្តីសុខសុភមង្គល ភាពសុខដុមរមនា ដល់ប្រជាពលរដ្ឋនៅទូទាំងប្រទេស៕
សារស្វាគមន៍
ឯកឧត្តម ជា សុផារ៉ា
ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់
សេវាសាធារណៈ
អាជ្ញាប័ណ្ណវិស័យសំណង់
ទំនាស់ដីធ្លី
របាយការណ៍
ចំនួនអ្នកទស្សនា
ថ្ងៃនេះ :
000256
ម្សិលមិញ :
009218
សរុប :
18200284
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលនទ្រព្យនៅកម្ពុជា