ពិធីសម្ពោធឆ្លងសាលាធម្មសភា និងសមិទ្ធផលនានា នៅវត្តពោធិសាល នៅឃុំប៉ឹស ២ ស្រុកក្រូចឆ្មារ ខេត្តត្បូងឃ្មុំ

April 09, 2016

វេលាម៉ោង០៧ៈ៣០ នាទី ព្រឹក ថ្ងៃសៅរ៍ ៣កើត ខែចេត្រ ពស ២៥៥៩ ត្រូវនឹងថ្ងៃទី ៩ ខែមេសា គស ២០១៦ ឯកឧត្តម ជា សុផារ៉ា ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាង់ដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតី ក្នុងពិធីសម្ពោធឆ្លង សាលាធម្មសភា និងសមិទ្ធផលនានា នៅវត្តពោធិសាល នៅឃុំប៉ឹស ២ ស្រុកក្រូចឆ្មារ ខេត្តត្បូងឃ្មុំ ។ មានប្រសាសន៍សំណេះសំណាលជាមួយអង្គពិធីនាឱកាសនោះ ឯកឧត្តមទេសរដ្ឋមន្រ្តី បានលើកពីការខិតខំប្រឹងប្រែង របស់រាជរដ្ឋាភិបាល ដែលមានសម្តេចតេជោ ហ៊ុន សែន ជានាយករដ្ឋមន្រ្តី ក្នុងការកសាងនូវសុខសន្តិភាព ស្ថិរភាពនយោបាយ សុវត្ថិភាពសង្គម និងសណ្តាប់ធ្នាប់សាធារណៈ ពីប្រទេសជាតិស្ថិតក្នុងសង្រ្គាមបាក់បែក ឲ្យមានភាពរីកចម្រើនទាំងវិស័យពុទ្ធចក្រ និងអាណាចក្រ ដូចសព្វថ្ងៃនេះ ។ ជាមួយគ្នានេះ ឯកឧត្តមទេសរដ្ឋមន្រ្តី ក៏បានពន្យល់ពីវឌ្ឍនភាពនានា នៃការខិតខំរបស់រាជរដ្ឋាភិបាល នៅក្នុងការលើកកម្ពស់ជីវភាពប្រជាពលរដ្ឋ នៅទូទាំងប្រទេស តាមរយៈការអភិវឌ្ឍហេដ្ឋារចនាសម្ព័ន្ធរូបវន្ត ការអប់រំ ការទាក់ទាញអ្នកវិនិយោគ ការបង្កើតការងារ ដើម្បីកំណើនសេដ្ឋកិច្ចជាតិ និងការផ្តល់សេវាសាធារណៈផ្សេងៗ ដែលជាប្រយោជន៍សម្រាប់ប្រជាពលរដ្ឋនៅទូទាំងប្រទេស ។ នៅទីបញ្ចប់ ឯកឧត្តមទេសរដ្ឋមន្រ្តី បានអំពាវនាវដល់ព្រះសង្ឃ ពុទ្ធបរិស័ទ និងប្រជាពលរដ្ឋទូទៅ ឲ្យចូលរួមជាមួយរាជរដ្ឋាភិបាល ដើម្បីថែរក្សានូវរាល់សមិទ្ធិផល ដែលបានកសាងកន្លងមក និងបន្តកសាងបន្ថែមទៀត ដើម្បីជីវភាពល្អប្រសើររបស់ប្រជាពលរដ្ឋ និងភាពសុខដុមនៅក្នុងសង្គមជាតិទាំងមូល ។ ក្នុងកម្មវិធីនេះផងដែរមានការចូលរួមយ៉ាងច្រើនកុះករមានចំនួនសរុប ៧១៩ នាក់ ក្នុងនោះបងប្អូនប្រជាពលរដ្ឋចំនួន៥០០នាក់(ក្នុងនោះតាជី២៥នាក់ យាយជី២៥នាក់) មន្រ្តីរាជការចំនួន៣៨នាក់ លោកគ្រូ-អ្នកគ្រូ ចំនួន៤៧នាក់(ស្រី២៧នាក់) សិស្សានុសិស្សចំនួន ១០០នាក់ ផ្នែកសន្តិសុខមានចំនួន២៩នាក់ គ្រូពេទ្យប្រចាំការចំនួន៥នាក់ ហើយក្នុងកម្មវិធីនេះផងដែរ ឯកឧត្តមទេសរដ្ឋមន្ត្រី ក៏បានឧបត្ថម្ភជូនដូចខាងក្រោម៖
១- សម្រាប់វត្តពោធិសាលទទួលបានថវិកា ចំនួន ៥លានរៀល
២- សម្រាប់ស្រុកក្រូចឆ្មារទទួលបានថវិកា ចំនួន ១លានរៀល
៣- សម្រាប់ឃុំប៉ឹសទទួលបានថវិកា ចំនួន ១លានរៀល
៤- តាជីយាយជី (៥០នាក់) ក្នុងម្នាក់ៗទទួលបាន ក្រណាត់ស ១ដុំ និងថវិកាចំនួន ១ម៉ឺនរៀល
៥- លោកគ្រូ-អ្នកគ្រូ (៤៧នាក់ ក្នុងនោះស្រី២៧នាក់) ក្នុងម្នាក់ៗទទួលបានសារុង១
៦- គ្រូពេទ្យប្រចាំការ (៥នាក់) ក្នុងម្នាក់ៗទទួលបានសារុង១
៧- សិស្សានុសិស្ស (១០០នាក់) ក្នុងម្នាក់ៗទទួលបានប៊ិច១ដើម សៀវភៅ២ក្បាល និងថវិកាចំនួន ៥០០០រៀល