ឯកឧត្តមទេសរដ្ឋមន្រ្តី ជា សុផារ៉ា អញ្ជើញពិសារនំបញ្ចុកជាមួយប្រជាពលរដ្ឋសហគមន៍ប៊ូឌីញស

June 10, 2017

ដូចការគ្រោងទុក ពិធីពិសារនំបញ្ចុករវាង ឯកឧត្តម ជា សុផារ៉ា ទេសរដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ក្រុមការងារ អាជ្ញាធរដែនដី និងប្រជាពលរដ្ឋសហគមន៍ប៊ូឌីញស ប្រព្រឹត្តទៅយ៉ាងអធិកអធម បន្ទាប់ពីបានធ្វើពិធិតាមបែបសាសនារួចមក។ គួរបញ្ជាក់ថា គិតត្រឹមម៉ោង ១១:៣០ នាទីព្រឹក ថ្ងៃទី ១០ ខែមិថុនា គ.ស.២០១៧ ប្រជាពលរដ្ឋជាម្ចាស់ចំណែកឯកជនក្នុងអគារសហកម្មសិទ្ធិប៊ូឌីញ ស ចំនួន ២៤៨ បន្ទប់ស្នាក់នៅ បានទទួលប្រាក់ទូទាត់រួច និងបានប្រគល់បន្ទប់ជូនក្រុមហ៊ុន ដោយបានចាកចេញពីបន្ទប់ស្នាក់នៅ ទៅតាំងទីលំនៅថ្មី តាមបំណងប្រាថ្នារបស់ពួកគាត់ ។ ទន្ទឹមនេះ ក្រុមហ៊ុនក៏បានឧបត្ថម្ភថវិកា ១០០ដុល្លារសហរដ្ឋអាមេរិក សម្រាប់ការរើអីវ៉ាន់ចាកចេញ ព្រមផ្ដល់ជូនសារុង ០១ និងក្រមា ០១ ដែលជាអំណោយរបស់សម្ដេចតេជោ នាយករដ្ឋមន្រ្តី ផងដែរ។