នៅក្នុងឱកាសនោះ ឯកឧត្តមទេសរដ្ឋមន្រ្តី បានសម្ដែងការអបអរសាទរ ចំពោះជ័យលាភី Chevening ទាំងអស់ ដែលមានឱកាសបានបន្តការសិក្សារយៈពេលមួយឆ្នាំនៅចក្រភពអង់គ្លេស។ ឯកឧត្តមទេសរដ្ឋមន្រ្តី ក៏បានចែករំលែកបទពិសោធន៍នាពេលកន្លងមក ដែលឯកឧត្តមធ្លាប់ជាយុវជនជំនាន់មុន ដែលកាលពីមុនភាសាអង់គ្លេសគឺមិនសូវមានភាពទូលំទូលាយដូចបច្ចុប្បន្ននេះទេ។ ទន្ទឹមនេះ ឯកឧត្តមទេសរដ្ឋមន្រ្តី ក៏បានណែនាំដល់យុវជនដែលមានឱកាសបានទៅបន្តការសិក្សានៅចក្រភពអង់គ្លេសនៅពេលនេះ ត្រូវចាប់យកជំនាញល្អៗ និងឆ្លៀតឱកាសស្វែងរកការងារក្រៅម៉ោងសិក្សាណាដែលទាក់ទងនឹងជំនាញរបស់ខ្លួន ដើម្បីបានជាបទពិសោធន៍។ ឯកឧត្តមទេសរដ្ឋមន្រ្តី ក៏បានចែករំលែកពីអនុស្សារីយ៍ដែលឯកឧត្តមធ្លាប់បានអមដំណើរប្រតិភូទៅក្រៅប្រទេស ខណៈពេលដែលប្រទេសជាតិកំពុងហ៊ុំព័ទ្ធសេដ្ឋកិច្ច។ ចំពោះការបម្រើការងារផ្សេងៗ ឯកឧត្តមក៏បានជំរុញឱ្យយុវជនជំនាន់ក្រោយត្រូវមានភាពស្វាហាប់ ខិតខំបម្រើការងារ និងខិតខំប្រឹងប្រែងបន្តការសិក្សាបន្ថែមទៀត កុំឱ្យពេលវេលាកន្លងហួសដោយឥតប្រយោជន៍។ ឯកឧត្តមទេសរដ្ឋមន្រ្តី បានបន្ថែមថា យុវជនពេលនេះត្រូវការតែលិខិតឆ្លងដែន និងទិដ្ឋាការ ដើម្បីធ្វើដំណើរគ្រប់ទិសទី ប៉ុន្តែក្នុងរបបប្រល័យពូជសាសន៍ គឺមិនមានប្រទេសណាហ៊ានបើកទ្វារទទួលប្រជាជនខ្មែរនោះទេ យុវជនសម័យតេជោនេះពិតជាមានសំណាងណាស់ សូមបន្តថែរក្សាសំណាងមួយនេះ ឱ្យដល់កូនចៅជំនាន់ក្រោយ ដោយរក្សាបាននូវសន្ដិភាពដែលជាមូលដ្ឋានគ្រឹះនៃការអភិវឌ្ឍ បើសិនប្រទេសជាតិមានសង្គ្រាមនោះ សំណាងគឺមិនមានទេ សម្រាប់ការអភិវឌ្ឍន៍ និងការរក្សាបាននូវអាយុជីវិត និងចំណេះដឹង ។ ឯកឧត្តមបានលើកឡើងថា ប្រទេសមួយចំនួនបានធ្វើបដិវត្តពណ៌ ដែលបានបន្សល់ទុកនូវឈាម និងទឹកភ្នែក ភាពជូរចត់ ដែលឯកឧត្តមមិនចង់ឱ្យក្រោយកូនចៅជំនាន់ក្រោយរបស់កម្ពុជាជួបប្រទះដូចយុវជនជំនាន់មុនឡើយ។ ឯកឧត្តមទេសរដ្ឋមន្រ្តី ក៏បានលើកឡើងពីការទទួលជោគជ័យនៃការអនុវត្តគោលនយោបាយឈ្នះៗ នៃការដោះស្រាយអគារប៊ូឌីញស ដែលក្រុមហ៊ុន និងប្រជាពលរដ្ឋបានព្រមព្រៀងគ្នាទិញ-លក់ ដោយស្ម័គ្រចិត្ត ទាំងអស់គ្នា។
ចុងបញ្ចប់ ឯកឧត្តមទេសរដ្ឋមន្រ្តី បានជូនពរនិស្សិតទាំងអស់ឱ្យទទួលបានជោគជ័យក្នុងការសិក្សា និងជោគជ័យក្នងជីវិត៕
សារស្វាគមន៍
ឯកឧត្តម ជា សុផារ៉ា
ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់
សេវាសាធារណៈ
អាជ្ញាប័ណ្ណវិស័យសំណង់
ទំនាស់ដីធ្លី
របាយការណ៍
ចំនួនអ្នកទស្សនា
ថ្ងៃនេះ :
008928
ម្សិលមិញ :
007733
សរុប :
18190582
ការអភិវឌ្ឍន៍វិស័យសំណង់លំនៅឋាននៅកម្ពុជា
ស្វែងយល់ពីអចលនទ្រព្យនៅកម្ពុជា