មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ ត្រូវបញ្ចប់ការងារចេញបណ្ណកម្មសិទ្ធដែលនៅសល់ឱ្យបានលឿន

September 06, 2023

មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ ត្រូវបញ្ចប់ការងារចេញបណ្ណកម្មសិទ្ធិដែលនៅសេសសល់ឱ្យបានលឿន ដោយសហការជាមួយអាជ្ញាធរ និងមន្ទីរពាក់ព័ន្ធ ពិនិត្យមើលដីណាដែលបានដោះស្រាយហើយ ដើម្បីពន្លឿននីតិវិធីនៃការចេញបណ្ណទាំងនោះ។ ចំពោះបញ្ហាវិវាទដីធ្លីដែលនៅសេសសល់ ត្រូវអញ្ជើញភាគីវិវាទមកដោះស្រាយ ដើម្បីបញ្ចប់ការងារ។ ដើម្បីសម្រួល និងពន្លឿនការងារទាំងនេះ ឯកឧត្តមឧបនាយករដ្ឋមន្ត្រី ផ្តល់គោលការណ៍ឱ្យពិនិត្យជ្រើសរើសមន្ត្រីនៅក្រសួង ឬមន្ត្រីសុរិយោដីនៅតាម ក្រុង ស្រុក ខណ្ឌ នានា ដែលបានបំពេញការងារចុះបញ្ជីស្ទើររួចរាល់ហើយ ទៅជួយនៅមន្ទីរខេត្តព្រះសីហនុ ក្នុងរយៈពេលឯកភាពមួយ ដើម្បីចុះធ្វើការងារនេះ។ ប្រសាសន៍ដឹកនាំរបស់ឯឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់
ក្នុងកិច្ចប្រជុំជីវភាព ដើម្បីពិនិត្យនិងវាយតម្លៃវឌ្ឍនភាពការងារ និងទិសដៅអនុវត្តការងារបន្ត របស់មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ នៅថ្ងៃទី៦ ខែកញ្ញា ឆ្នាំ២០២៣។